ಸ್ವಾಗತ.

              

           ಸ್ವಾಗತ.

  
   

      ಪೂರ್ಣಚಂದಿರನು ತನ್ನ ಮನೆಗೆ ಹೋಗಲು
      ನಿನಗಾಗಿ ಕಾಯುತಿಹನು..
      ಮುಂಜಾವಿನ ಇಬ್ಬನಿಯು
      ನಿನ್ನ ಸ್ಪರ್ಶಕ್ಕೆ ಕಾಯುತಿಹುದು..
      ಹಕ್ಕಿಗಳು ಚಿಲಿಪಿಲಿಯೆನ್ನುತ್ತ
      ಇಂಚರವ ಹಾಡುತಿಹುದು..
      ಬಾ ಭಾನುತೇಜನೇ
      ನಿನಗಿದೋ ಸ್ವಾಗತ....

ಬಂದುಬಿಡು

                                   
                                 ಹುಣ್ಣಿಮೆ ಚಂದಿರನ ಬೆಳದಿಂಗಳಲಿ

                                 ನನ್ನ ಹೃದಯದ ಬಾಗಿಲು ತೆರೆದು

                                 ನಿನಗಾಗಿ ಕಾದಿಹೆನು..

                                 ಬೆಳದಿಂಗಳಂತೆ ಬಂದುಬಿಡು

                                 ನನ್ನ ಹೃದಯದೊಳಗಿನ ನಿನ್ನ ಮನೆಗೆ....

ಮಧುರ ನೆನಪು..

ಮಧುರ ನೆನಪು..

ನಿನ್ನ ಜೊತೆ ಕಳೆದ ಮಧುರ

ನೆನೆಪುಗಳೇ ಸಾಕು ನನಗೆ..

ನೀ ಬಿತ್ತಿದ ಸಾವಿರಾರು ಸ್ವಪ್ನಗಳ

ಆನಂದ ಸಾಗರ

ಜೀವ ಭಾವಗಳು ರಂಗೇರಿ

ಮೈ ಮನಗಳಲ್ಲಿ ಝೇಂಕಾರ....

ನಿನ್ನ ಜೊತೆ ಕಳೆದ ಮಧುರ

ನೆನೆಪುಗಳೇ ಸಾಕು ನನಗೆ..

ಮುಸ್ಸಂಜೆಯಲಿ ಮುದ ತಂದ

ಪ್ರೇಮ ಸೌರಭ

ಹೊಂಗನಸಿನ ಓಕುಳಿಯಲಿ

ರಂಗು ರಂಗಾಯಿತು ನೀಲ ಗಗನ....

ನಿನ್ನ ಜೊತೆ ಕಳೆದ ಮಧುರ

ನೆನೆಪುಗಳೇ ಸಾಕು ನನಗೆ..

ಅದನ್ನೇ ನೆನೆದು ಬದುಕುವೆ

ಸಾವಿರ ವರುಷ

ಹೃದಯದ ಹಾಡಿಗೆ ಶೃತಿಯಾಗುವೆ

ಪ್ರತಿ ನಿಮಿಷ....